2004 benantaa ga noo ir šintin porože woo sennoo ra.  Desanbur 2006 noo ir Internet alhabar nda cawyaŋ marga dogoo feera.  Baa kaŋ a gay kayna fondaa ra, ir ga ceeci a ma tanba ka duu sahã jiiri taagaa ra.  Ir ga goy sohõo da nda borayaŋ kaŋ goo Maali, Burkinaa nda Kaanada.  

 

Jiiri foo ga ben, affoo ga šintin.  

 

Ir ma huna ka dii cere 2007 jiiroo ra, nda baani nda alaafiya.  A ma tee ir se jiiroo kaŋ ra goyoo woo hansa ka koy nda jine.  

 

War kanba wowaa ga, ir kondaa gaakašinawey, ngey bayray wala waaney dogey, ngey gorodogey (gallu nda laama) nda ngey senney kaŋ i ga šelaŋ wal'i g'i caw sohõo da nd'anniya.  Kan si ngey tiirawey kaŋ s'ir ga nee hunayaŋceebandutiira (curriculum vitae), kaŋ goo jere ga. Boro kaŋ baa kul ga hin k'i caw ka dii fondaa kaŋ i n'a tee, cawyaŋ nda bayraygoyaŋ mise ra. War la dii kaŋ ngey cere game, i ga senney wey kul šelaŋ: soŋay, almaŋ, angele, faranse, iriiši, banbara, tamaašagt (surguboro senni), hausanca senni, laaraw senni, feŋlandu senni (suwomen), welš (gaal koyraasennoo).  Matematik bayraykaw, informatik cawkaw, hantumkawyaŋ, lokkol mise cawkaw, sennicawyaŋ nda sennihantumyaŋ informatik waanaykaw goo ngey bayray dogey ra.  I goo nda goro doo Ameriki, Kaanada, Suwisu, Feŋlandu nda Almaɲi.  Ir kul ga ngey ihinagoo tee hala nungoo woo ma hanse ka boori, ka tee nungu kaŋ ra alhabar, faakaaray, kakaw, boŋfeeray nda bayray ga boro dumi booboyaŋ marga nee.  Soŋay senni hantumyaŋoo nda nga cawoo daliloo ra.  Afiriki senney ma doo tee ngey boŋ se Internet bayray-hugoo ra.  Goyyaŋ nda naataa boŋ ga!

 

War ma kay yeeši 2007 ra.  (Yeeši marsan cine.)